චින්තනය වින්දනයෙන් දකින සචින්තනා
ජීවිතය පිලිබඳ අරුත්බර සිතුවිලි පැනනගින්නේ ජීවිතය
සුන්දරව අත් විඳින විටය. එම සුන්දරත්වය බාහිර
සමාජය දකින්නේ ඒවා අන් අය සමග බෙදා හදාගන්නා විටය. තමා සතු
දැනුම හැකීයාවන් හා දක්ෂතා එළි පෙහෙළි කරමින් අරුත්බර ලෙස ජීවිතය දකින ඈ ප්‍රභානි සචින්තනා
මන්ත්රීරත්න ය .ශ්‍රී ලංකා සබරගමු විශ්වවිද්‍යාලයේ සමාජීය විද්‍යා හා භාෂා පීඨයේ තෙවන
වසර අධ්‍යයන කටයුතු හදාරන ඇයව විශ්වවිද්‍යාලයේ කව්රුත් හඳුනන්නේ සචී යන නමිනි .
සෙංකඩගලට උරුමකම් කියන සචින්තනාගේ උපන් ගම
වටගොඩ හාරිස්පත්තුව වන අතර වර්තමානයේ පදිංචිව සිටින්නේ පිළිමතලාවේ ය. පියා රන්ජිත්
මන්ත්රීරත්න පශු සම්පත් සංවර්ධන නිලධාරියෙකු වන අතර මව මහනුවර සීතාදේවී බාලිකා විද්‍යාලයේ
ඉංග්‍රීසි ගුරුවරියකි. එකම සහෝදරයා මෙවර සාමාන්‍ය
පෙළ විභාගයට පෙනී සිටීමට නියමිතය.
මහනුවර
උසස් බාලිකාව
ඇගේ ජීවිතයේ විවිධාකාර දක්ෂතා ඔප්නංවූ තෝතැන්න යි. සචින්තනා ඉගෙනුමට මෙන් ම ක්‍රීඩාව
සහ කලා අංශවලින් කැපී පෙනෙන ශිෂ්‍යාවක ලෙස
ඉදිරියට පැමිණ සිටියා ය.
පිහිනුම්
සහ බැඩ්මින්ටන් ක්‍රීඩාවන්ට
යොමු
වූ ඇය පිහිනුම් අංශයෙන් සෑම වසරක ම දක්ෂතම ක්‍රීඩිකාව වූවා ය ජනාධිපති
බාලදක්ෂිකාවක
වූ
මැය ශිෂ්‍යභට බාලිකාවක ලෙස ද කටයුතු කිරීමේ දී අවසන් වසරේ දී සාජන්ට්වරිය ලෙස ද කටයුතු කළා ය. වසර දෙකක්
පාසලේ ශිෂ්‍ය නායිකාවක ලෙස ද කටයුතු කළ ඇයගේ නායකත්ව ගති ලක්ෂණ බොහෝ
අවස්ථාවල දී කැපී පෙනේ.
විවිධ සමිති සමාගම්වල
තනතුරු හෙබවූ මැය ඒවායින් ද ලද අත්දැකීම් බොහෝ ය. පාසලේ කලා සංගමයේ සහ සමාජ විද්‍යා සංගමයේ සභාපති ධුර හෙබවූ අතර යුනෙස්කෝ
සංගමයේ සහ තරුණ ව්‍යවසාක සංගමයේ ද සාමාජිකාවක වූවා ය. පාසලේ
බටහිර තූරය වාදක කණ්ඩායමේ සාමාජිකාවක වීම ඇගේ ගමන් මගේ සුවිශේෂී සන්ධිස්ථානයක් ලෙස
හැඳින්විය හැකි ය ඩ්‍රම්ස් වාදනයෙන් ඉදිරියට යාමට ඇයට ශක්තිය ලැබුණේ එම නිසා ය. මේ පිළිබඳ පැවැසීමේ දී ඇය බටහිර
තූර්ය වාදක කණ්ඩායමේ පුහුණුකරු ප්‍රදීප් වීරක්කොඩි මහතා ගෞරවයෙන් සිහිපත් කළා ය.
සාහිත්‍ය කලාවට ලැදි සචින්තනා කලා
අංශයෙන් උසස් පෙළ හදරූ අතර ඉංග්‍රීසි සාහිත්‍යය සිංහල සහ ඉතිහාසය යන විෂයයන් හදාරුවා
ය මීට අමතරව ඇය ප්‍රංශ භාෂාව ද පෞද්ගලික ව හදාරා තිබේ. 2011 වසරේ දී උසස් පෙළ සමත් වී සරසවි වරම් ලබූ
ඇය ශ්‍රී ලංකා සබරගමු විශ්වවිද්‍යාලයට පැමිණියා ය. පෙර සඳහන්
කළ පරිදි ඇය ඩ්‍රම්ස් වාදන ශිල්පිනියක ලෙස කැපී පෙනෙන්නට සරසවියේ දී ද හැකි වූයේ ඇය
පාසලේ දී ලද මූලික අඩිතාලම නිසා ය.ඉංග්‍රීසි සාහිත්‍යය ප්‍රධාන විෂයය ලෙස හදාරන
ඇය සිංහල භාෂාව අනු විෂයය ලෙස තොරාගත්තා ය. නිර්මාණශීලී
රචනයට උපන් හපන්කම් ඇති ඇය සිංහල කෙටිකතා රචනයේ ද යෙදෙයි.
2015 වසරේ පැවති පීඨ කලා උළෙලේ කෙටිකතා අංශයෙන් ප්‍රථම ස්ථානය
දිනා ගැනීමට ඇයට හැකි විය. මීට අමතරව ඇය පරිවර්තන අංශය කෙරෙහි
ද යොමු වී තිබේ.
සමාජීය විද්‍යා හා භාෂා පීඨ වාද්‍ය කණ්ඩායමේ
නායිකාව වීම තුළ ඇගේ ඩ්‍රම්ස් වාදන හැකියාව තව තවත් විදහා දක්වන්නට හැකියාව ලැබිණි. එහි ප්‍රථම ප්‍රසංගය වන මියැසි රාව ප්‍රසංගයේ ආරම්භක නායිකාව ඇය වීම විශේෂතත්වයකි
විශ්වවිද්‍යාල පිහිනුම් කණ්ඩායමේ ද නායිකාව වන ඇය අන්තර් පීඨ පිහිනුම් තරඟයෙන් දක්ෂතම
පිහිනුම් ශුරිය වෙමින් සිය දස්කම් විදහා පැවා ය. වසරක් පාසා
අන්තර් විශ්වවිද්‍යාල ක්‍රීඩා තරඟයට සහභාගී වෙමින් සිය සරසවි මාතාවට ගෞරවයක් ගෙන දුන්නා
ය පීඨයේ සිංහල සංගමයේ සංස්කාරක, පීඨ සඟරාවේ සහ විශ්වවිද්‍යාල
ප්‍රධාන කලා කේන්ද්‍රයේ සාමාජිකාවක ලෙස ද කටයුතු කරන මැය සිය අධ්‍යාපන කටයුතු ද මැනවින්
සිදුකරයි.විශ්වවිද්‍යාලයේ බොහෝ දෙනා අතර ඉතා සුහදශීලී
චරිතයක් වන මැය නිදහස්ව ජීවිතය විඳින්නට කැමැති තැනැත්තියකි පොත්පත් කියවීමට වැදී රුචියක්
දක්වන සචින්තනා එමගින් ලබන දැනුම සිය ලේඛන කලාවට මෙන් ම ජීවිතයට ද එකතු කර ගත්තා ය
ලේඛනය සහ භාෂා අංශයෙන් ඉදිරියට යැම ඇගේ බලපොරෝය්තුව යි.
විශ්වවිද්‍යාලයේ බොහෝ දෙනා අතර කාන්තාවක
වශයෙන් ඇය අභියෝගාත්මක කාන්තා චරිතයකි. ලොවින්
එකෙක් එක දෙයකට වෙයි සමත යන කියමන සචින්තනා
විසින් අභියෝගයට ලක් කර ඇති බව නම් නිසකැ ය.
හසිතා අනුරුද්ධි බණ්ඩාර
(එච් .එම්. එච්. ඒ. බණ්ඩාර)
11/ SL/ 05
No comments:
Post a Comment