බස්නාහිර පළාතට අයත් කළුතර දිස්ත්‍රික්කයේ මනස්කාන්ත වූ සොබා සෞන්දර්යත්වයෙන්
හෙබි අඟලවත්ත ප්‍රදේශයේ පැළැඳ ග්‍රාමයේ වෙසෙන ඈ, නමින් එල් . ඒ යමුනා හර්ෂණී නම් විය.
එල්. ඒ විද්‍යාරත්න පියාණන්ට සහ ඩබ්ලිව් . ඒ ඉන්ද්‍රානි මෑණියන්‍, යන දෙපලට දාව ඇය
1991-07-24 දින මෙලොවට බිහි විය.
ගොවිතැන ප්‍රධාන ජීවනෝපාය මාර්ගය කරගත් ඇයගේ දෙමාපිය දෙපල ඇයව පොත
පතෙහි දැනුමෙන් මෙන්ම යහපත් ගතිගුණ වලින්හෙබි රටට වැඩදායී පුරවැසියෙකු කිරීමට අනුපමේය
වූ වෙහෙසක් දරමින් සිටී. බාල සහෝදරයන් දෙදෙනෙකුගේ අක්කණ්ඩිය
වන ඈ පවුලේ එකම ගැහැණු දරුවාය. දෙමාපියන්ට හොඳ දරුවෙකු මෙන්ම සහෝදරයන්ට ආදර්ශවත්
සහෝදරියක වන ඇය දක්ෂතා රැසකින් පර්පූර්ණ වූ තැනැත්තියකි.
ඉගෙනීමට උපන් හපන්කම් ඇති ඇය අධ්‍යයන පොදු සහතික පත්‍ර සාමාන්‍ය පෙළ
විභාගය දක්වා අධ්‍යාපනය හදාරා ඇත්තේ බප/ මතුගම පැලැන්ද විදුමව් තුරුළෙනි. සාමාන්‍ය
පෙළ විභාගයෙන් විශිෂ්ට ප්‍රතිඵලයක් හිමිකර ගනිමින් දස්කම් පෑ ඇය කලා අංශයෙන් උසස් පෙළ
හැදෑරීම සඳහා බප/ මතුගම ආනන්ද ශාස්ත්‍රාලය ජාතික පාසලට ඇතුළු විය. එහිදී කලා අංශය යටතේ
සිංහල, දේශපාලන විද්‍යාව, ඉතිහාසය
යන විෂයන් ඇය විසින් හදාරා ඇත.
ඉගෙනීම මෙන්ම නායකත්ව ලක්ෂණ ද උපතින්ම හිමිකර ගත් ඇය පාසලේ විවිධ
විෂය සංගම් වල ක්‍රියාකාරී සාමාජීකාවක් විය. පාසල් සාහිත්‍ය සංගමයේ ලේකම් වශයෙන් ඉතා
දිගු කලක් නායකත්වය ඉසිලූ ඇය පාසලේ ප්‍රධාන ශිෂ්‍ය නායිකාව වශයෙන් ද තේරී පත්ව
ඇත්තේ ඇය සතු වූ නායකත්ව ගුණාංග නිසාමවෙනි. එමෙන්ම පාසලේ විවිධ නිල තල හොබවමින් ඇයගේ
දක්ෂතාවය ඵලදායී ලෙස සමාජගත කිරීමට ඇයට හැකි විය.
ඈ සමඟ දොඩමළු වූ නිමේෂයකදී ඇගේ පාසල් දිවියේ තතු විමසූ මා හට පසක්
වූයේ අධ්‍යාපනය ලැබූ පාසල් ද්විත්වය පිළිබඳ ඈ තුළ පවතින්නේ දැඩි භක්ත්‍යාදරයක් බවයි.
එතෙක් මෙතෙක් ආ ගමන් මගේ කේන්ද්‍රස්ථානය
එය බව ඇගේ විශ්වාසයි.
දෙමාපිය සහ ගුරුමව්පියන්ගේ ආශිර්වාදය නොමඳව ලැබුණූ ඈ ජයග්‍රහණ මාවත
විවරකර ගනිමින් අද වන විට ශ්‍රී ලංකා සබරගමුව විශ්ව විද්‍යාලයේ සමාජීය විද්‍යා හා භාෂා
පීඨියේ තෙවන වසර දෙවන සමාසිකයේ අධ්‍යයන කටයුතු වල නියැලෙන කීර්තිමත් විද්‍යාර්ථයෙකි.
සිංහල භාෂාව සහ සාහිත්‍යයේ පරතෙර සොයමින් සිංහල පිළිබඳ සිව් අවුරුදු විශේෂවේදී උපාධි
පාඨීමාලාව තුල අධ්‍යයනයේ නිරත වන ඇය අතිරේක විෂය කාණ්ඩයක් ලෙසින් දේශපාලන විද්‍යව හදාරනු
ලබන්නේ දේශපාලනය පිළිබඳ ඇය තුල ඇති විශේෂ වූ ඇල්ම නිසාවෙනි.
නැටුමට, ගැයුමට, වැයුමට
පමණක් නොව තෙලිතුඩින් දස්කම් පාමින් ඇගේ වටිනාකම් තීව්‍ර කරගත්
ඈ සොදුරු
කලාකාරීයකි.
කෙටිකතා, නවකතා පොත් කියවීම, කෙටිකතා ලිවීම, චිත්‍රපට නැරඹීම,
ගීත ශ්‍රවණය කිරීම සිය විනෝදාස්වාදය කොටගත් ඇය ඉඩ ලද සැම විටම
ගුවන් විදුලිය ශ්‍රවණය කිරීමට හුරුවී ඇත්තේඇයගේ නිවස තුලින් ලද ආභාෂය නිසාවෙනි.
කලාකාමී අදහස් වලින් පිරුණු සුන්දර යුවතියක් වන ඇයගේ දහසකුත්
එකක් වන බලාපොරොත්තු අතර කියවීමට රුචි පාඨික සැම වෙනුවෙන් කෙටිකතා සංග්‍රහයක් එළි දැක්වීම
සිහිනයක් බව ඇයගේ අදහස් වලින් හෙළි විය. වර්තමානය
වන විට එම සිහිනය දලුලමින් පවතින අතර අනාගතය වන විට එම සිහිනය තව දුරටත් සිහිනයක් නොවී
යතාර්ථයක්ම වේවායි ඉක සිතින් පතන්නෙමි.
සටහන
සී පියුමි සකුන්තලා
(අාදර කන්ද)
සටහන
සී පියුමි සකුන්තලා
(අාදර කන්ද)
No comments:
Post a Comment