සිහින මංජුසාවේ සැබෑ වීමක අරුත්බර නවාතැන් පළක රසාස්වාදය මෙලෙසින් පෙළගස්වම්............

              සුන්දර බෙලිහුල් ඔය ප්‍රදේශයේ රමණීය පරිසරයක පිහිටි ශ්‍රී ලංකා සබරගමුව විශ්ව විද්‍යාලය  

ශ්‍රී ලංකාවේ විශ්ව විද්‍යාල පද්ධතිය අතර ස්වභාව සෞන්දර්යයත්වයෙන් පරිපුර්ණතම  විශ්ව විද්‍යාලයකි.

          

 

                   1995 නොවැම්බර් 05වන දින ශ්‍රී ලංකා සබරගමුව විශ්වවිද්‍යාලය ජාතික විශ්ව විද්‍යාල පද්ධතියට එකතු වන්නේ 1991 දී ශ්‍රී ජයවර්ධනපුර විශ්ව විද්‍යාලයේ අනුබද්ධිත  විශ්ව විද්‍යාලයක්ව පවති සමයකයි.

ඒඅනුව ශ්‍රී ලංකා සබරගමුව විශ්ව විද්‍යාලය  

-     සාමාජීය විද්‍යා හා භාෂා පීඨය

-     ව්‍යාපාර අධ්‍යයන පීඨය

යන ආරම්භක පීඨ දෙකකින් සමන්විත විය.

එහෙවූ අතීතයකට උරුමකම් කියන ශ්‍රී ලංකා සබරගමුව විශ්වවිද්‍යාලයේ ආරම්භක පීඨදෙක අතුරෙන් සාමාජීය විද්‍යා හා භාෂා පීඨය  වන අප පීඨය සාඩම්බර අතීතයකට උරුමකම් කියයි. එලෙස මුල් බැස ගත්

සාමාජීය විද්‍යා හා භාෂා පීඨය වන අප කලා පීඨය දිවයිනේ අනෙකුත් කලා පීඨ අභිබවා ඉහළ කඩයිම් ලකුණු( Z - Score) ප්‍රමාණයක්යටතේ සිසුන් බඳවා  ගැනීම සිදුකරන අතර දැනට සිසුන් දහසකට අධික ප්‍රමාණයකින් සමන්විත වේ.  සිත මන්මත්    කරවන ස්වභාව සෞන්දර්යාත්මක පිහිටීමකට උරුමකම් කියන සාමාජීය විද්‍යා හා භාෂා පීඨයට මුහුණලා අලංකාරවත් කදු පන්තියකි.

පරෙයියන් ගල, හාවාගල ආදී වූ කඳු පන්ති පිස හමා එන නැවුම් සුළං රුල්ලෙන් පීඨයේ සිටින සියළු ජීවියෙකුගේම විඩාබර ගත සිත නිවා සනසවාලයි.

පීඨ ආරම්භයේදී සාමාජීය විද්‍යා අධ්‍යයනාංශය හා භාෂා අධ්‍යයනාංශය වශයෙන් අධ්‍යයනාංශ දෙකකින් සමන්විත වූ සාමාජීය විද්‍යා හා භාෂා  පීඨයට 2004 වර්ෂයේදී ඉංග්‍රීසි ගැන්වීමේ අධ්‍යයනාංශයත්, 2009 වර්ෂයේදී සිව්වන අධ්‍යයනාංශය ලෙස ආර්ථික විද්‍යා හා සංඛ්‍යාන අධ්‍යයනාංශයත් එකතු විය.

එලෙස අධ්‍යයනාංශ හතරකින් සමන්විත මහා වෘක්ෂයක් බඳු අප පීඨයට අළුතින් එක් වූ මල් කිනිත්තක් බඳු අධ්‍යයනාංශය නම් 2015 වර්ෂයේදී ස්ථාපිත වූ භූගෝල විද්‍යා හා පාරිසරික කළමනාකරණ අධ්‍යයනාංශයයි.

       ඒ අනුව අධ්‍යනාංශ 05කින් සමන්විත වන සමාජීය විද්‍යා හා භාෂා පීඨයේ තුන් අවුරුදු වශයෙන් පැවති සියළු උපාධි පාඨමාලාවන් සිව් අවුරුදු උපාධි පාඨමාලාවන් බවට පත්විය. ඒ අනුව දැනට ශාස්ත්‍රවේදී විශේෂ උපාධිය පිරිනමයි.

 

පීඨයේ අධ්‍යයනාංශ පිළිබඳ කෙටි විස්තරයක්,

       1. සාමාජීය විද්‍යා අධ්‍යයනාංශය

                     විශ්වපීඨි ආරම්භයේදීම පැවති අධ්‍යයනාංශයක් වන සමාජීය විද්‍යා අධ්‍යයනාංශය තුලින් රැකියා වෙළඳපොළට  උචිත අන්දමේ විද්‍යාර්ථීන්  බිහිකීරීමේ අරමුණින්

-          සාමාජ විද්‍යාව

-          දේශපාලන විද්‍යාව                                           

යන විෂයන් පිළිබඳ පරිපූර්ණ වූ දැනුමක් ලබාදෙයි. එහි වත්මන් අංශාධිපති වශයෙන් Dr. ඒ. සරත් ආනන්ද මහතා කටයුතු කරයි.

       2. භාෂා  අධ්‍යයනාංශය

                     පීඨ ආරම්භයේ පැවති අනෙක් අධ්‍යයනාංශය වන භාෂා අධ්‍යයනාංශය වර්තමාන

විද්‍යාල පද්ධතිය තුල සුවිශේෂී වූ ස්ථානයක් හිමි කරගෙන ඇත.

-           සිංහල භාෂාව

-          දෙමළ භාෂාව

-          හින්දි  භාෂාව

-           ජපන් භාෂාව

-          චීන භාෂාව

-          ජර්මන් භාෂාව

යන භාෂාවන් තුලින් මේ අධ්‍යයනාංශයේ විද්‍යාර්ථීන්ට මනා වූ භාෂා ඥානයක් පිරිනමනු ලබයි. Mrs ආර්. ඒ ප්‍රියංකා වීරසේකර මෙහි වර්තමාන අංශාධිපතිධුරය හොබවමින් වෘත්තියට එහා ගිය විශාල මෙහෙවරක් සමාජ විද්‍යා භාෂා පීඨයට ඉටු කරනු ලබයි.

 

              3) ඉංග්‍රීසි භාෂාව ඉගැන්වීමේ අධ්‍යනාංශය

                           ලාංකීය විශ්ව විද්‍යාල පද්ධතියේ සියළු කලා පීඨ අතුරෙන් අප පීඨය සුවිශේෂී වන එක් සාධකයක් ලෙස පීඨයේ සියළුම සිසුන්ට ඉංග්‍රීසි භාෂාව (CEL) ඉගැන්වීම දැක්විය හැකිය. එහි වගකීම මෙම අධ්‍යයනාංශය සතු වෙයි. ඊට අමතරව අනු විෂයක් වන දෙවන භාෂාවක් ලෙස ඉංග්‍රීසි  ඉගැන්වීම (TESL – Teaching English as a Second Language) යන විෂය උගන්වනු ලබන්නේ ද මෙම අධ්‍යයනාංශය තුලිනි. මෙම අධ්‍යයනාංශයේත් අංශාධිපති වශයෙන් Mrs. ආර්. ඩබ්ලිව්. එම්. පී. ජී. අයි. කේ වීරකෝන් ආචාර්යතුමිය සුවිශේෂී වූ  කාර්ය භාර්යයක් සිදුකරනු ලබයි.

 

              4) ආර්ථික විද්‍යා හා සංඛ්‍යාන අධ්‍යනාංශය

-          ආර්ථික විද්‍යාව

-          සංඛ්‍යාන විද්‍යාව

 යන විෂය ධාරාවන් උගන්වනු ලබන මෙම අධ්‍යනාංශය  තුලින් වර්තමානයේ පවතින තරඟකාරී වෙළඳපොළ ජය ගැනීමට සමත් ශක්තිමත් විද්‍යාර්ථින් පිරිසක් නිර්මාණය කිරීමේ වගකීම ඉටුකරයි. ඒ සඳහා භාර දූර කැපවීමක් වත්මන් අංශාධිපති ඒ අරුණ ශාන්ත මහතා විසින්දරනු ලබයි.

 

              05) භූගෝල විද්‍යා හා පාරිසරික කළමනාකරණ අධ්‍යනාංශය

2015 වසරේදී පස්වන අධ්‍යනාංශය වශයෙන් සමාජීය විද්‍යා හා භාෂා පීඨයට එක්වන මෙම අධ්‍යනාංශයේ වටිනාකම තවත් වැඩිකරයි.

- භූගෝල විද්‍යාව

                                               විෂය උගන්වනු ලබන මෙම  අධ්‍යනාංශය  තුලින් රැකියාව උදෙසාම පමණක් නොවන ගහට කොළට සතා සීපාවට හිත ඇති සෞන්දර්යයාත්මක මිනිසෙකු නිර්මාණය කිරීමට උත්සාහ දරයි. ඒ

සදහා මනා වු කැපවීමක් එහි වත්මන්  අංශාධිපති කේ. පී. එල් නිශාන්ත පටබැඳි මහතා විසින් සිදු කරයි.

                    වර්තමානය වන විට අප පීඨය තුලින් පිරිනමනු ලබන මෙම සියළුම උපාධි පාඨමාලාවන් සිංහල හා ඉංග්‍රීසි යන භාෂා මාධ්‍ය දෙකෙන්ම ක්‍රියාත්මක  වෙයි.

එමෙන්ම සමාජීය විද්‍යා හා භාෂා පීඨ සංකීර්ණය තුල ස්ථාපිත කර ඇති.

-      පරිගණක මාධ්‍යස්ථානය

-      පීඨශ්‍රවණාගාරය

-      කලාකේන්ද්‍රය

                           යනු සාමාජීය විද්‍යා හා භාෂා පීඨය සතු දැවැන්ත උරුමයන් වේ.

                     වර්තමානය වන විට පීඨය සතු සියළු වගකීම් තම දෑතට ගෙන අමිල වූ මෙහෙවරක් සමාජී විද්‍යා හා භාෂා පීඨයේ වත්මන් පීඨාධිපති Dr. මනෝජ් ආරියරත්න මහතා විසින් සිදු කරනු ලබයි. ඔහුගේ ශක්තිය, ඔහුගේ ඥානය පීඨයේ අනාගතයට මනා පිටුවහලකි.

              මෙලෙසින් ශ්‍රී ලංකා සබරගමුව විශ්ව විද්‍යාලයේ නොනිමි දිදුලන පහන් තරුවක්වන් සාමාජීය විද්‍යා හා භාෂා පීඨය තව තවත් විශ්ව විද්‍යාලය අලෝකමත් කරමින් සියහසක් දරුවන් ජීවිත එකළු කරන තෝතැන්නක් ලෙසින් වැජඹෙයි. 

  සටහන

සී පියුමි සකුන්තලා

( ආදර කන්ද )